एक प्रवास..
एक प्रवास, एक अनुभव
खूप काही शिकवून जातो
कोण आपलं, कोण परकं
सगळं सगळं सांगून जातो ..
शब्दांचा खेळ सारा
त्यांचा तरी काय दोष ?
मांडतात डाव ते ही
भावनांवर का धरावा रोष ?
खेळतात एक खेळी,
पडतात उलटे फासे ..
संसाराच्या सारीपाटावर
जिंकतात खोटे दिलासे!
हार होते मनाची
होते आशेची लाखोली
बघता बघता स्वप्नांची
माळ जाते विखुरली !
एक एक क्षण
जणू मोती जसा पडावा
आयुष्याच्या हा डाव
आता कसा सावरावा
घे पुन्हा मोठी झेप ..
उठ म्हणते मान
जुगारून जुने मळभ
साद घालते नवे स्पंदन !!
खूप छान आहे कविता.
ReplyDelete